Blogerja tregon se si ju mbyll syri pas përdorimit të botoksit

Fun

Gazeta Express

13/04/2021 12:05

Blogerja nga Chicago, Whitney Buha, ka treguar historinë e saj personale për rrezikun nga ndërhyrjet kozmetike.

Historia filloi para tri javësh kur ajo ndau në Instagram një vizitë për të bërë botoks si zakonisht dhe e gjitha shkoi gabim.

Buha, e cila ka blogun e saj “Something Whitty”, ka treguar se një injektor me proteinë i cili u vendos gabimisht afër syrit të saj, bëri që syri i majtë të zvogëlohet, ndërkaq i djathti të jetë shumë i hapur.

“Kjo është shumë e turpshme, dhe unë vërtetë nuk dua ta tregoj këtë por të gjithë po më thonë ‘a mund ta shohim këtë të lutëm’. Nuk e dija që kjo është e mundshme”, tha ajo përmes një video të cilën e kishte postuar në Instagram, duke treguar diferencën dramatike mes madhësisë së syve të saj.

Ajo shpjegon se pasi e kishte vërejtur se çfarë kishte ndodhur ajo ishte kthyer në klinikë përsëri për të marrë më shumë ose për të hequr duke pretenduar ta kthente syrin siç e kishte pasur, por krejt e kundërta kishte ndodhur.

“Saherë që kthehesha, kjo po ndodhte”, tha ajo e dëshpëruar.

Që prej herës së parë që kishte ndodhur ajo i ka mbajtur të informuar ndjekësit e saj lidhur me progresin e shënuar.