Befason moti, fillojnë reshjet e borës në Prishtinë

Gazeta Express

27/02/2020 9:45

Ashtu siç kishte paralajmëruar Instituti Hidrometeorologjik i Kosovës, në vend kanë filluar reshjet e borës.

Brenda pak minutash, kryeqyteti ka nisur të mbulohet nga bora. Po ashtu, temperaturat kanë shënuar rënie, por ky mot nuk pritet të zgjasë shumë.

Lexo Edhe:

Temperaturat ditën e enjte do të shënojnë rënie kryesisht ato maksimale, ndërsa minimalet priten të vazhdojnë me vlera të ngjashme.

Temperaturat minimale do të lëvizin nga 0-3 gradë celsius, ndërsa maksimalet e ditës parashihen të lëvizin ndërmjet 4-15 gradë celsius. Kjo rënie e theksuar e temperaturave pritet të ndodhë vetëm ditën e enjte.

“Do të fryjë erë nga jugperëndimi dhe veriperëndimi mesatare deri e fortë, kryesisht në veri të Dukagjinit ndërsa pjesët tjera të vendit do të fryjë erë me shpejtësi deri 12m/s”, ka njoftuar IHMK-ja. /GazetaExpress/