BBC: Ka arsye për të dyshuar se Ukraina është e involvuar në vrasjen e gjeneralit rus me bombë në veturë

Lajme

Gazeta Express

25/04/2025 16:11

Ukraina kurrë nuk e pranon zyrtarisht ose nuk merr përgjegjësinë për sulme të synuara si ai që vrau gjeneralin Yaroslav Moskalik këtë mëngjes.

Megjithatë, ka disa arsye për të dyshuar për përfshirjen e Ukrainës, shkruan BBC.

Në të kaluarën, burime të paidentifikuara brenda shërbimeve të sigurisë ukrainase i thanë mediave, përfshirë BBC-në, se ata qëndronin pas atentateve të ngjashme, si vrasja e gjeneralit Igor Kirillov në dhjetor 2024. Zyrtarët e emëruar, megjithatë, nuk u deklaruan kurrë.

Kyivi  qartazi është i interesuar në eliminimin e zbatuesve dhe mbështetësve kryesorë të luftës kundër Ukrainës – si për qëllime praktike, ashtu edhe si një mënyrë për të frikësuar anëtarët e tjerë të elitës politike dhe ushtarake ruse.

Brenda Rusisë, nuk duket të ketë një forcë të gatshme dhe të aftë për të kryer sulme të tilla.

Ato kërkojnë qasje të sofistikuar dhe burime që ka më shumë gjasa të jenë të disponueshme për një lojtar të huaj si Ukraina.