Banorët e Sopanicës së Kaçanikut përleshen fizikisht me Policinë, kundërshtojnë ndërtimin e hidrocentralit

Lajme

Gazeta Express

12/09/2023 10:07

Banorët e fshatit Sopanicë të Kaçanikut po kundërshtojnë ndërtimin e hidrocentralit në lumin Lepenc.

Sipas protestesve, ndërtimi i hidrocentralit do të shkaktojë degradim të lumit, derisa protesta ka nisur që nga e hëna.

Ibrahim Dolloshi, përfaqësues i protestës, ka deklaruar për Kohën se duan të mbrojnë lumin Lepenc.

“Kemi menduar para një viti që ka përfunduar ky proces, punëkryesi doli të punojë, ne pritëm një javë institucionet që merren me këtë lëmi. Ata nuk përgjigjën, lëndën e kemi në gjykatë, tash e tri vjet po merremi me gjykata. Ata nuk po bëjnë asgjë, ne jemi lodhur. Në orët e hershme sot ka filluar përsëri makineria, sot dolëm e ndaluam”, ka deklaruar ai.