Ditën e sotme banorët e Dibrës kanë protestuar, duke kundërshtuar ndërtimin e Hidrtocentralit të Skavicës. Pas më shumë se gjysmë shekulli si ëndërr në sirtarin e qeverive shqiptare, projekti i Hidrocentralit të Skavicës po hyn në rrugën e realizimit.
Banorët janë mbledhur të gjithë së bashku për të shprehur mospëlqimin e tyre për ndërtimin e këtij hidroçentrali. Ata kërkojnë që të mos ndërtohet projekti, ku sipas të cilëve përmbyten qindra hektarë tokë, qeveria të zhvilloje bisedime me ta, përpara se të nisë zbatimin.
Rama në prezantimin që i bëri projektit të ndërtimit të këtij hidroçentrali theksoi se “Hidrocentrali i Skavicës kompleton kaskadën e lumit Drin, krijon mundësinë e ruajtjes së rezervës ujore, duke u dhënë përfundimisht fund humbjeve kolosale të energjisë, me pasojë përmbytjet kronike, kur pikërisht nga mungesa e Skavicës kryhen shkarkimet e detyruara prej mbingarkesës ujore”.
Mirëpo për banorët e Dibrës, ndërtimi i Skavicës do të sillte efekte pozitive pasi shumë banorë do të detyrohen të shpërngulen e shumë të tjerëve do t’ju përmbyteshin tokat me të cilat sigurojnë jetesën.
Historiku i ndërtimit të hidrocentralit të Skavicës daton që 50 vite më parë. Tentativa për ndërtimin e tij janë bërë nga disa qeveri.