Ballkani ka fituar me rezultat të pastër 2:0 ndaj Prishtinës në ndeshjen e fundit të xhiros së 11-të në Superligën e Kosovës në futboll.
Pika kryesore ishte momenti kur Mankenda u ndëshkua me karton të kuq, duke e lënë Prishtinën me një lojtar më pak prej minutës së 29-të.
Prishtina u mbajt mirë dhe nuk pësoi gol në pjesën e parë, por i mori dy të tillë në të dytën, shkruan Gazeta Express.
Ishte Ermal Krasniqi që shënoi një gol dhe asistoi në tjetrin. Fillimisht Solomon realizoi për 1:0 në minutën e 58, kurse në të 71-tën Ermal Krasniqi e vulosi ndeshjen me një gol të bukur.
Me këtë fitore, Ballkani merr sërish primatin në tabelë me 21 pikë, një më shumë se Drenica e Gjilani.
Në anën tjetë, kampionia në fuqi e Kosovës, Prishtina mbetet e pesta me 13 pikë gjithsej. /Gazeta Express/
A jeni gati për shpërblimin më të madh në vend nga ETC, Lider i shërbimit dhe tregtimit në vend....