Atletico e refuzon ofertën e Juventusit për Sorlothin, klubi italian i vihet pas dyshes së Premierligës

Futboll

Gazeta Express

09/06/2026 22:41

Përzgjedhja verore e Juventusit për sulmues po intensifikohet në disa drejtime, me klubin që ka përshpejtuar ndjekjen e Alexander Sørlothit, ndërsa njëkohësisht ka bërë edhe pyetje për Gabriel inJesus dhe Nicolas Jacksonin, teksa po planifikon një rinovim të plotë të opsioneve në sulm pas largimit të Dusan Vlahovicit.

Sipas “CalcioMercato”, Atletico Madridi ka refuzuar ofertën e parë të Juventusit prej 22 milionë eurosh për Sørlothin, me klubin spanjoll që e vlerëson sulmuesin norvegjez rreth 40 milionë euro, duke krijuar një diferencë të madhe që palët duhet ta ngushtojnë.

Pavarësisht distancës në vlerësim, në Torino mbetet optimizëm.

Luciano Spalletti ka kontaktuar personalisht Sørlothin, ndërsa marrëveshja personale tashmë është arritur për një kontratë me vlerë rreth 4 milionë euro në sezon deri në vitin 2029, me opsion për një vit shtesë.

Sulmuesi ka premtuar se do të japë një vendim për të ardhmen e tij para fillimit të Kupës së Botës.

Sipas Romeo Agresti nga “Il Bianconero”, përmes “CalcioMercato”, Juventusi ka bërë gjithashtu pyetje për Gabriel Jesusin e Arsenalit dhe Nicolas Jacksonin e Chelseat, i cili mund të kërkojë largim nga Bayern Munichu (ku është i huazuar) për shkak të rolit qendror të Harry Kane në skemat taktike të klubit.

Të dy profilet përfaqësojnë tipe dhe kosto të ndryshme krahasuar me Sørlothin dhe Kolo Muanin, por klubi po shqyrton çdo mundësi pa përjashtim.

iSørloth dhe Kolo Muani mbeten prioritetet kryesore.

Sulmuesi i PSG-së, i cili është kthyer në Paris pas huazimit te Tottenhami, pritet të kushtojë të paktën 40 milionë euro.

Milani gjithashtu ka shfaqur interes për Sørlothin, duke rritur urgjencën e Juventusit për të vepruar.

Me Opendan dhe Jonathan Davidin që gjithashtu mund të largohen këtë verë, Juventusi mund të lëvizë për më shumë se një sulmues para mbylljes së afatit kalimtar./GazetaExpress/