Rreth dy orë pas atentatit në lagjen “Kushtrimi” në Vlorë, aty ku mbetën të plagosur dy persona, një makinë e djegur është gjetur në aksin e vjetër që lidh qytetin bregdetar me Fierin.
Makina dyshohet se u përket autorëve të atentatit të sotëm, ku mbetën të plagosur Nikollaq Çepaj (Taullaraj) 36-vjeç dhe Ronald Çepaj 27 vjeç.
Ndërsa në bagazh është gjetur edhe një armë tip Kallashnikov.
Autorët nga vendi i ngjarjes u larguan me një makinë tip ‘Benz’.
Të dy të plagosurit ishin në ambientet e brendshme të një lokalit, ndërsa janë qëlluar me armë zjarri. Sipas burimeve të Policisë, objektiv i atentatit ka qenë Nikollaq Cepaj, i liruar vetëm tre ditë më parë nga burgu.
Nikollaq Çepaj është person me precedentë penalë dhe nga hetimet e deritanishme dyshohet se ai ka qenë objekt I atentatit.