Njeriu sheh mundësi tek asteroidet. Në bazë të studimeve të realizuara vetëm mbi 2 asteroidë, rezulton se janë miniera metalesh e mineralesh. Fokusi ka qenë tek asteroidët 1986 DA dhe 2016 ED85, nga të cilët, i pari ka rezultuar shumë i pasur me minerale të grupit të platinit.
Sipas llogaritjeve të kryera mendohet se aty sasia e mineraleve tejkalon rezervat kompleksive të të gjithë planetit tonë. Nëse këto metale do të arrihej të merreshin vërtet për qëllime industriale, ekonomike dhe të tregtoheshin në 50 vitet e ardhshme , përftitimet do të ishin të paktën 200 miliardë euro çdo vit.
Vrojtimet janë kryer me teleskopin Infrared të NASA-s të pozicionuar në Hauai, dhe sipas studimeve të deritanishme, mendohet se asteroidët e pasur me metale, janë rezultat i objekteve qiellore që kanë pësuar përplasje katastrofike dhe ajo çka ka ngelur nuk është gjë tjetër veçse bërthama e asteroidëve primitivë.
Ndërkohë që vitin e ardhshëm NASA do të fillojë një mision shkencor në asteroidin 16 Psyche.
Mendohet se ky është trupi qiellor më i pasur me metale i gjithë sistemit tonë diellor dhe pozicionohet në fashën kryesore të asteroidëve, mes orbitave të Jupiterit dhe Marsit.
Dashamirës të kuzhinës italiane në Prishtinë, përgatituni për të shijuar pasta, pica dhe sallata të shijshme, pasi Vapiano është...