Asnjë detal nga takimi mes Zaev dhe Ahmeti


Gazeta Express
22 Maj 2019 15:16

Asnjë detaj nga takimi mes kryeministrit Zoran Zaev dhe liderit të BDI-së ALi Ahmeti në kuadër të rikonstruimit të kabinetit qeveritar.

Dy partnerët e koalicionit u takuan mbrëmë për të diskutuar mbi ndryshimet që priten të pasojnë gjatë muajit qershor, por siç njoftojnë palët, liderët janë marr vesh që temat të cilat i kanë biseduar t’i hapin edhe para organeve partiake.

Ndonëse asnjëra palë nuk konfirmon, mësohet se nga e hëna e ardhshme mund të dihen edhe emrat e parë të ministrave që do të ndërrohen.

Gjatë ditës kryeministri Zoran Zaev pritet të dal me detaje rreth takimit me Ahmetin.

Ditë më parë, Zaev tregoi se përveç ministrave dhe funksioneve të më poshtme sipas vertikales, ndryshimet do të prekin edhe strukturat partiake.

Si bazë për ndryshimet në Qeveri, Zaev i merr sjelljet arrogante të funksionarëve, mos realizimin e premtimeve të paraparë në bazë të programit Qeveritar.

Deri në fund të muajit maj do të bëhen analizat duke u konsultuar edhe me partnerët e koalicionit, ndërsa në fillim të muajit qershor, Zaev ka përkujtuar se do t’i bëjë ndryshimet e para. Në kuadër të takimeve, ditëve në vijim pritet që Zaev të takojë edhe partnerët e tjerë të koalicioni qeverisës shkruan Alsat.

Te fundit


Kthehu lart