Kthehu lart

Pas ‘Suus’, Florent Boshnjaku provon prapë për fitore në Festivalin e TVSH-së

Pas ‘Suus’, Florent Boshnjaku provon prapë për fitore në Festivalin e TVSH-së GazetaExpress

Do të jetë një tentim tjetër i kompozitorit Florent Boshnjaku në Festivalin prestigjioz të fundvitit në Radio Televizionin Shqiptar.

Kompozitori nga Prishtina, pasi disa vite më parë arriti sukses me këngën “Suus” dhe këngëtaren Rona Nishliu, këtë vit rikthehet në Festivalin e madh me një bashkëpunim tjetër muzikor, shkruan KultPlus.

Pasi është publikuar lista e të gjitha këngëve që do të marrin pjesë në edicionin e 56-të të festivalit, Boshnjaku vjen me kompozimin “Pritëm edhe pak”, tekstin e këngës të shkruar nga Yll Limani ndërsa vjen nën interpretimin e Lorela Sejdinit.

Vetë Boshnjaku i ka dëshiruar suksese këngëtares dhe një projekti të tillë i ka dëshiruar një nismë të suksesshme.

Boshnjaku është kompozitor i këngës “Suus” nga Rona Nishliu, kënga që deri sot mban pozitën më të mirë të shqiptarëve që kanë marrë pjesë në Festivalin Evropian të Këngës – Eurovizion. Rona Nishliu në vitin 2012-të përfaqësoi Shqipërinë dhe u radhit në pozitën e pestë në finalen e madhe.

    Data: 06 Dhjetor 2017 05:39
    Autori: GazetaExpress

    Të tjera