Arrihet marrëveshja, Barcelona gjen zëvendësuesin e Frenkie de Jong

Sport

Gazeta Express

27/06/2022 21:40

Barcelona mund të përforcohet me Carlos Solerin në afatin kalimtar të verës.

“AS” ka raportuar këtë të hënë se Barça ka arritur marrëveshje me Valencian për blerjen e spanjollit, transmeton Gazeta Express.

Sipas mediumit spanjoll, tani gjithçka do të varet nga shitja e Frenkie de Jong, i cili është i lidhur me një transferim te Manchester United.

Barcelona po kërkon së paku 85 milionë euro për shitjen e holandezit, çmim i cili pritet të paguhet nga klubi anglez. Sot është raportuar se një marrëveshje është afër që të arrihet.

Largimi i Frenkie de Jongut do të hap rrugën pastaj për transferimin e Solerit në “Camp Nou”.

Marrëveshja mes Barcelonës dhe Valencias për 25-vjeçarin ka tarifën e 20 milionë eurove.

Një çmim i ulët duke marrë parasysh se Soler në tregun e transferimeve vlerësohet me 50 milionë euro.

Por, pasi kontrata e tij skadon më 30 qershor 2023, Valencia ka pranuar ta shesë lojtarin për atë çmim tani, për të mos e humbur falas në vitin e ardhshëm. /Gazeta Express/

? BREAKING: Barcelona have reached an agreement with Valencia for the signing of Carlos Soler. ??

His signature is dependent on the Frenkie De Jong sale.

(Source: @diarioas) pic.twitter.com/FhXEeNbtpG

— Transfer News Live (@DeadlineDayLive) June 27, 2022