Armë pa leje dhe kapele policie, arrestohet 26-vjeçari në Durrës

Gazeta Express

27/02/2020 9:08

Policia e Durrësit ka arrestuar mëngjesin e sotëm një 26-vjeçar.

Mësohet se shtetasit G.M., iu gjetën dhe sekuestruan në cilësinë e provës materiale një armë zjarri tip “TT”, disa fishekë, si dhe 2 kapele me mbishkrimin policia.

Materialet i kaluan Prokurorisë së Durrësit, për veprat penale ‘Armëmbajtja pa leje’, ‘Mbajtja pa të drejtë e uniformës’ dhe ‘Prodhimi i mjeteve për falsifikm të dokumenteve’.

Njoftimi i policisë:

Goditet një tjetër rast i armëmbajtjes pa leje.

Arrestohet në flagrancë një 26-vjeçar.

Sekuestrohen në cilësinë e provës materiale një armë zjarri, municion luftarak dhe kapele me mbishkrimin policia.

Specialistët për Hetimin e Krimeve në Komisariatin e Policisë Durrës, në vijim të punës për kapjen e personave në kërkim dhe atyre që qarkullojnë me arnë zjarri me vete, në bazë të informacioneve të siguruara në rrugë operative, arrestuan në flagrancë shtetasin:

G. M., 26 vjeç, banues në Durrës.

Pas kontrollit të ushtruar nga shërbimet e Policisë në banesën e tij, iu gjetën dhe sekuestruan në cilësinë e provës materiale një armë zjarri tip “TT”, disa fishekë, si dhe 2 kapele me mbishkrimin policia.

Materialet i kaluan Prokurorisë së Rrethit Gjyqësor Durrës, për veprat penale “Armëmbajtja pa leje”, për të cilën parashikohet dënimi me burgim deri në 7 vjet, “Mbajtja pa të drejtë e uniformës” dhe “Prodhimi i mjeteve për falsifikm të dokumenteve”.