AP: 20 ushtarë të Gardës Kombëtare po përgatiten për të shkuar në Kosovë

Lajme

Gazeta Express

04/01/2022 14:59

Njëzet policë ushtarakë nga Garda Kombëtare e Kentucky-t janë duke u përgatitur për të shkuar në Kosovë në një mision njëvjeçar, raportoi të martën agjencia e njohur e lajmeve, “Associated Press”.

Ushtarët e Kompanisë 438 të Policisë Ushtarake, me seli në Murray, pritet të nisen drejt Kosovës të mërkurën, thuhet në një deklaratë të Gardës Kombëtare, përcjell Gazeta Express.

Ushtarët janë të trajnuar për mbrojtje kundër forcës, anti-terrorizëm, sigurim të terrenit dhe operacione të inteligjencës policore, raporton AP.

Ata do të ofrojnë përkrahje ndërlidhëse të policisë ushtarake si pjesë e Operacionit “Gardiani i Përbashkët”, thuhet në deklaratë.