Ambasadorja finlandeze kritikon ashpër kosovarët: Askujt s’po i intereson për koronavirusin

Gazeta Express

06/07/2020 10:16

Ambasadorja e Finlandës në Kosovë, Pia Stjernvall, ka reaguar për numrin e madh të rasteve me koronavirus në Kosovë dhe pakujdesinë e qytetarëve.

Përmes një shkrimi në rrjetin social Facebook, ajo ka thënë se askujt nuk po i intereson për këtë situatë.

“Dje kalova nëpër Prishtinë, dhe dukej vërtet qytet festiv. Numrat me koronavirus janë duke u rritur shpejt dhe dukej sikur askujt nuk i interesonte. Kini kujdes, ju lutem, nëse jo për vete, për prindërit, gjyshërit, të afërmit e sëmurë etj. Faleminderit dhe respekt për ata që janë në vijën e parë,” është shprehur Stjernvall.

Yesterday I passed by #Pristina city and it was really a party town. #corona numbers are growing fast and no one seemed to be caring! Be careful, please, if not for you, but for you parents, grand parents, sick relatives etc. Thank you and respect for the first responders!!!

— Pia Stjernvall (@StjernvallPia) July 5, 2020

Ndryshe, ditë më parë të pakujdesshëm qytetarët e Kosovës i ka quajtur edhe ambasadori i Gjermanisë në Kosovë, Christian Heldt.

Ndryshe, numri i personave të infektuar në Kosovë ka kaluar mbi 3 mijë, kurse mbi 600 raste aktive janë vetëm në Prishtinë.

Ndërsa deri sot janë shënuar 75 viktima.