Disa ditë më parë ambasadorja e SHBA-ve Yuri Kim dhe lideri i demokratëve zhvilluan një takim në selinë blu dhe në konferencë për shtyp, ambasadorja e thirri Bashën ‘zoti Luli Basha’.
Shkurtimi i emrit të Lulzim Bashës ngjalli kureshtje dhe në rrjetet sociale u interpretua në forma të ndryshme. Por këtë të mërkurë, mbi rastin në fjalë ka reaguar vetë ambasadorja Kim, e cila ka sqaruar se përse e thërriti Bashën ‘Luli’ në vend të ‘Lulzim’.
“Kjo është nonsens. Ai më thërret mua “Yuri” dhe unë e thërras atë “Luli”. Pse? Sepse jemi kolegë dhe miq”, thekson Yuri Kim në Twitter, duke iu përgjigjur dhe pretendimit të gazetarit Çim Peka, i cili kishte njoftuar se Basha kishte patur një bisedë mbi çështjen në fjalë.
This is nonsense. He calls me “Yuri” and I call him “Luli”. Why? Because we are colleagues and friends. https://t.co/Cpg71LxljN
— Ambassador Yuri Kim (@USAmbAlbania) June 3, 2020