Kryetari i komunës së Mitrovicës, Bedri Hamza, ka njoftuar se e ka pritur në takim përfaqësuesin e Tajvanit në Hungari, Shih- Chung Liu.
Komuna njofton se gjatë këtij takimi është biseduar për mundësitë e bashkëpunimit në mes të Komunës së Mitrovicës dhe qyteteve të Tajvanit, si dhe shkëmbimi i përvojave ndërmjet qyteteve, sidomos në fushën e “Smart city”.
“Ata kanë diskutuar edhe për krijimin e një platforme për ngritjen e kapaciteteve të stafit të komunës përmes trajnimeve nga ekspertë të Tajvanit. Po ashtu gjatë takimit është bërë e ditur se studentët e Mitrovicës nga viti i ardhshëm do të ketë mundësi që të jenë pjesë e një platforme të bursave për të studiuar në Tajvan”, thuhet në njoftim.
Sipas komunës, Hamza e ka falënderuar ambasadorin z. Liu- n për vizitën e realizuar në Komunën e Mitrovicës, derisa shtoi se Tajvani është lider botëror në industrinë e IT-së dhe njëra ndër fuqitë më të mëdha të ekonomisë botërore.
Çdo shtëpi është një hapësirë që duhet të jetë komode dhe e organizuar, për të lehtësuar jetën tonë të...