Një sasi prej 2130 kilogramësh mish pule me salmonelë, është bllokuar nga drejtoria rajonale e AKU-së në Vlorë.
Mishi i pulës vinte nga Polonia i paketuar në kuti kartoni 10 kilogramëshe.
“Në subjekt ka mbërritur ngarkesa me produktin “Mish pule” në sasinë prej 2130 kg i papërpunuar, i paketuar në kuti kartoni 10 kg dhe i ngrirë në temperaturë -18 °c, i cili pas kryerjes së analizave në momentin e nisjes për në Republikën e Shqipërisë, rezultoi me prezencë të Salmonella Enterica Ser. Enteritidis” njofton Autoriteti Kombëtar i Ushqimit.
Kjo ngarkesë do të qëndrojë e bllokuar deri në marrjen e masave për asgjësimin e tij.