Nje dite pas aksidentit te ndodhur ne Mallakastër-Tepelenë, kur furgoni i Forcave Operacionale në Drejtorinë e Burgjeve qe transportonte dy te burgosur u perplas me nje makine benz, arrestohet shoferi i furgonit.
Policia beri arrestimin në flagrancë i shtetasit H. H., 56 vjeç, banues në Tiranë. Ai ishte duke drejtuar mjetin tip “Hyunday”, në pronësi të Drejtorisë së Përgjithshme të Burgjeve, me të cilën punonjësit e policisë së burgjeve kryenin transportimin e dy të paraburgosurve nga Tirana për në Sarandë.
Nderkohe qe jane referuar materialet në Prokurori për shtetasin S. Sh., 60 vjeç, banues në Memaliaj.
ARRESTIMI
Në vijim të veprimeve proceduriale për aksidentin e ndodhur në datë 17.02.2020, ku në aksin rrugor Krahës–Tepelenë, në vendin e quajtur Qesarat, shtetasi H. H. duke drejtuar mjetin tip “Hyunday”, në pronësi të Drejtorisë së Përgjithshme të Burgjeve, me të cilën punonjësit e policisë së burgjeve kryenin transportimin e dy të paraburgosurve nga Tirana për në Sarandë, është përplasur me mjetin tip “Benz”, që drejtohej nga shtetasi S. Sh., nga specialistët e Sektorit të Qarkullimit Rrugor u bë arrestimi në flagrancë i shtetasit H. H., 56 vjeç, banues në Tiranë, si dhe u referuan materialet në Prokurori për shtetasin S. Sh., 60 vjeç, banues në Memaliaj.
AKSIDENTI
Sipas informacioneve, shkak i aksidentit ka qenë hyrja e gabuar në rrugë e një autoveture tip “Benz” të zonës. Si pasojë e përplasjes, furgoni me targa AA 306 UN ka dalë nga rruga dhe ka shkatërruar totalisht kioskën e byrektores, ku për momentin nuk ndodhej njeri brenda saj.
Nga përplasja në qendrën e fshatit Qesarat mbetën të lënduar katër punonjësit e Policisë, ku njëri prej tyre kishte marrë dëmtime pak më të rënda. 32-vjeçari Julian Verboshi, që ishte ulur në vendin e pasagjerit në furgon, u shoqërua në Spitalin e Gjirokastrës për ekzaminime shëndetësore.
Sipas burimeve nga spitali, ai pësoi dëmtime pa pasoja për jetën. Dy të burgosurit që ndodheshin në furgon, u shoqëruan në Spitalin e Tepelenës, ku u mjekuan për gërvishtje të lehta në trup.
Autovetura, që nga hetimet paraprake dyshohet se është shkaktare e aksidentit, pësoi dëmtime të konsiderueshme në pjesën e përparme, po ashtu edhe furgoni i Policisë që përfundoi brenda byrektores. Policia e Gjirokastrës ka bërë shoqërimin e drejtuesit të mjetit tip “Benz” dhe shoferit të furgonit të Policisë, ndërsa po punon për zbardhjen e plotë të ngjarjes.