Aksident në Divjakë, kamionçina përplase me makinën, në gjendje të rëndë shoferja

Shqiperi

Gazeta Express

11/08/2022 14:31

Një tjetër aksident rrugor ka ndodhur në Divjakë në vendin e quajtur Zharrnec ku një kamionçinë është përplasur me një makinë tip”Ford”.

Si pasojë e aksidentit ka mbetur e plagosur drejtuesja e “Ford”-it, e cila ka humbur drejtimin e mjetit.

Ajo është nisur me urgjencë drejt spitalit të Lushnjes, pasi ndodhet në gjendje të rëndë ndërsa drejtuesi i kamionçinës është ndaluar nga policia per të zbardhur rrethanat e aksidentit.

Aksidenti ka shkaktuar radhet kilometrike dhe policia rrugore po disiplinon trafikun krahas veprimeve proceduriale.