AKI publikon njoftimin për vizitën e shefit të CIA, brenda objektit u zbulua pllaka me një porosi të veçantë

Lajme

Gazeta Express

04/09/2024 11:03

Agjencia Kosovare e Inteligjencës (AKI) përmes një komunikate për media të publikuar në faqen zyrtare ka njoftuar për vizitën dhe takimin që kreu i CIA-s, William Burns, kishte pasur me kreun e AKI-së, Petrit Ajetin, më 22 gusht, shkruan Gazeta Express.

AKI ka bërë të ditur se në shenj mirënjohjeje për SHBA-në, CIA-n dhe personalisht William Burns, në objektin qendror të AKI-së është vendosur pllaka simbolike ku janë të vendosura dy emblemat e dy agjencive, CIA dhe AKI.

Pllakën e kanë zbuluar dy drejtorët, Petrit Ajeti dhe William Burns.

Në këtë pllakë, përveç emblemave të dy agjencive, qëndron mesazhi që ia kishte transmetuar oficeri ushtarak amerikan Joseph Burns të birit të tij, William Burns-it: “Asgjë nuk mund të të bëjë më krenar sesa shërbimi me nder ndaj vendit tënd!”/GazetaExpress/