A do t’u lejohet hyrja kosovarëve në shtetet e BE-së nga 1 tetori?

Gazeta Express

30/09/2020 11:46

Në një takim që po mbahet aktualisht në Bruksel do të vendoset nëse qytetarët nga Kosova do të lejohen të hyjnë në vendet e Bashkimit Evropian nga 1 tetori.

Në këtë takim po diskutohet për rishikimin e listës së vendeve të treta që lejohen të kalojnë kufijtë e jashtëm të BE-së bazuar në situatën epidemiologjike, shkruan Gazeta Express.

Pasi Kosova kohëve të fundit ka pësuar rënie të ndjeshme të numrit të rasteve të reja dhe viktimave, vendi ynë aktualisht ka përmbushur parakushtet për të qenë në hartën e gjelbër.

Por, ekziston një problem që Kosova dhe shtetet përreth të mbeten ende në hartën e kuqe të shteteve të ndaluara për kalim në shtetet e BE-së. Kjo pasi që vendimi përfundimtar i Bashkimit Evropian mund të ndikohet më shumë nga situata në shumicën e vendeve të BE-së, ku ka shpërthim të rasteve me COVID-19 dhe kur shumë shtete janë duke konsideruar mbylljen e kufijve pas rritjes së shifrave. /Express/