Liverpool siguron talentin kolumbian

Futboll

Gazeta Express

24/05/2026 9:59

Liverpool është pranë finalizimit të marrëveshjes për transferimin e mesfushorit 17-vjeçar kolumbian, Samuel Martinez, nga Atletico Nacional.

Talenti i ri ofensiv konsiderohet një nga lojtarët më premtues të Amerikës së Jugut dhe ka tërhequr vëmendjen pas paraqitjeve të mira me Kolumbinë në Kampionatin U17 të Amerikës së Jugut.

Sipas raportimeve, marrëveshja kap vlerën e rreth 740 mijë paundëve. Martinez pritet të nënshkruajë kontratë pesëvjeçare me klubin anglez, ndërsa Atletico Nacional do të mbajë edhe një përqindje nga shitja e tij e ardhshme.

🚨 Exclusiva: Samuel Martínez (17) está a mínimos detalles de ser nuevo jugador del #Liverpool. Llegaron a un acuerdo para que se convierta en el nuevo talento de los ‘reds’ por 1M$ y firmar por 5 años. Avanzan en la documentación final tras superar a otros gigante de Europa 🇨🇴🔴… pic.twitter.com/EE5gfU86qR

— Pipe Sierra (@PSierraR) May 22, 2026

Liverpool ka arritur të mposhtë konkurrencën e klubeve të mëdha si Borussia Dortmund dhe Barcelona, të cilat gjithashtu kishin shfaqur interesim për mesfushorin.

Megjithatë, tifozët e “The Reds” do të duhet të presin për ta parë Martinez në “Anfield”. Për shkak të rregullave për transferimin e lojtarëve të huaj nën moshën 18-vjeçare, ai do t’i bashkohet zyrtarisht Liverpoolit në verën e vitit 2027.

Deri atëherë, Martinez do të vazhdojë zhvillimin te Atletico Nacional, ku aktualisht luan me ekipin U20.

Ky transferim është pjesë e strategjisë së re të Liverpoolit për të zbuluar talente të rinj nga tregjet jashtë Evropës, veçanërisht nga Amerika e Jugut dhe Afrika. Kur të mbërrijë në Angli, Martinez pritet të integrohet fillimisht me ekipin U18, me synimin për t’u zhvilluar gradualisht drejt skuadrës së parë. /GazetaExpress/