Elvana Gjata ende me shpresë: “Hera e tretë mund të jetë Eurovisioni im!”

Muzike

Gazeta Express

20/04/2026 19:37

Këngëtarja e njohur Elvana Gjata ka rikthyer sërish vëmendjen te ëndrra për Eurovision, duke lënë të hapur mundësinë e një rikthimi që këtë herë mund të jetë vendimtar.

Gjatë një interviste për kanalin italian në YouTube “Cult Pop”, në prag të koncertit të saj në Milano më 10 maj, artistja u përball me një pyetje direkte: “Eurovision 2027?”. Një mesazh i thjeshtë që mori një përgjigje që ka ndezur menjëherë entuziazmin e fansave.

Elvana shpjegoi se Shqipëria zgjedh përfaqësuesin përmes Festivali i Këngës, një format që ajo e krahasoi me Sanremo Music Festival. Por ajo që tërhoqi më shumë vëmendje ishte deklarata e saj optimiste: tentativa e tretë mund të jetë ajo fatlumja.

Artistja ka qenë dy herë pranë përfaqësimit të Shqipërisë në Eurovision Song Contest, në edicionet e 58-të dhe 63-të të festivalit, ku synonte skenën europiane për vitet 2020 dhe 2025. Megjithatë, në të dyja rastet u rendit në vendin e dytë, pas Arilena Ara dhe grupit Shkodra Elektronike.

A do të jetë hera e tretë momenti i shumëpritur për Elvanën? Fansat tashmë po e presin me padurim përgjigjen në skenën e radhës. /GazetaExpress/