Burim Berisha pas 25 vitesh nuk kandidon për kryetar të Fushë Kosovës, Besnik Osmani zyrtarizohet në vend të tij

Lajme

Gazeta Express

08/07/2025 22:04

Kryetari i disa mandateve në komunën e Fushë-Kosovës, Burim Berisha, nuk do të jetë më kandidat për këtë pozitë në zgjedhjet lokale të 12 tetorit.

Lajmi është bërë i ditur nga kryetari i Lidhjes Demokratike të Kosovës (LDK), Lumir Abdixhiku, përmes një postimi në FB, ku njoftoi gjithashtu edhe kandidaturën e Besnik Osmanit.

“Nga një fitues tek tjetri. Nga Burim Berisha tek Besnik Osmani”, shkruan Abdixhiku.

“Me mirënjohje të thellë, falënderojmë Burim Berishën – njeriun që për 25 vjet, me 5 mandate si i zgjedhur, i dha kësaj komune një drejtim të qetë, vizionar e të përgjegjshëm. Nga një paralagje, qytezë fushash, ai transformoj Fushë Kosovën në qytetin me ritmin më të lartë zhvillimor në Kosovë. Prandaj Fushë Kosova sot është shtëpi e plot 70 mijë banorëve”, shkruan tutje kryetari i LDK-së.

Ai shton se sot,” me besim të plotë dhe krenari, shpallëm kandidaturën e Besnik Osmanit për Kryetar të Komunës. Ai është vazhdimësia jonë – një njeri i përkushtuar, i matur, me përvojë konkrete në qeverisje dhe vizion të qartë për të ardhmen”, shkruan Abdixhiku.

Postimi i plotë: