Pjesa më e madhe e britanikëve mbështesin ndalimin e bartjes së ferexhesë në vende publike dhe në shkolla, ka dëshmuar rezultati i anketës më të re, i bërë nga Instituti Angus Read.

Rreth 72 për qind të te anketuarve theksuan se mbështesin ndalimin e ferexhesë në vendet publike, ndërsa 79 për qind e të anketuarve theksuan se janë për ndalimin e perçes nëpër shkolla, Universitete dhe aeroporte.

Rezultatet e anketës u publikuan vetëm një ditë, pas publikimit të raportit të Komisionit të parlamentit të Francës, në të cilin u rekomandua ndalimi i bartjes së perçes në vende publike, si dhe rekomandimi që mos t’i jepet nënshtetësia atyre, të cilët dëshmojnë shenja të dukshme të praktikave radikale religjioze.

Në anketën në Britani, 66 për qind e të anketuarve theksuan se janë për ndalimin e perçes, veshjes myslimane e cila mbulon gjithë trupin e femrave myslimane.

Rreth 75 për qind theksuan se janë për ndalimin e kësaj veshje nëpër shkolla dhe Universitete, ndërsa 85 për qind theksuan se janë për ndalimin e perçes në aeroporte.
Në Britani, vend ky i cili angazhohet për shprehjen e lirë të bindjeve religjioze, nuk ekziston ligji që ndalon bartjen e ferexhesë.



Shpërndaje artikullin: