Teatri Kombëtar i Kosovës hapë konkurs për regjisor

Arte

Gazeta Express

25/07/2022 15:11

Objekti i Teatrit Kombëtar të Kosovës ka ditë që i është nënshtruar një renovimi por programi i Teatrit pritet të vazhdoj. Nëse shfaqjet e planifikuara për kalendarin teatror muajve të ardhshëm do të mbahen në objekte opsionale ende nuk dihet, megjithatë Këshilli Drejtues i Teatrit po vazhdon punën. Sot është hapur konkurs publik për regjisor në projekte të Skenës së Vogël të Teatrit Kombëtar të Kosovës.

Njoftimi i plotë:

Në bazë të Ligjit për Teatrot Nr. 04/L – 106 Neni 10 paragrafi 1.9, Statutit të Teatrit Kombëtar të Kosovës Neni 10, si dhe të Rregullores Nr. 04/2016 për Punën e Këshillit Drejtues të Teatrit Kombëtarë Kosovës Neni 3 dhe Neni 12, në bazë të Rregullores Nr. 03/2019 për skenën e vogël të Teatrit Kombëtar; dhe vendimit të KD të TKK të datës 2 Qershor 2022, Drejtori i përgjithshëm i TKK merr vendim për shpallje të konkursit publik për Skenën e vogël:

Konkurs publik për përzgjedhjen e regjisorëve për projekte të Skenës së vogël të Teatrit Kombëtar të Kosovës për vitin 2022:

Skena e Vogël e TKK, si një laborator për kultivimin e shprehjeve inovative dhe eksperimentale teatrore, është krijuar për të mbështetur dhe nxitur idetë dhe format e reja kërkimore teatrore duke synuar të jetë strehë e të gjithë atyre që teatrin e shohin si mjet të shprehjes.

Gjithnjë duke synuar realizimin e këtyre që u thanë më lartë, menaxhmenti i Teatrit Kombëtar të Kosovës shpall konkurs publik për REGJISOR të projektit:

Shfaqje autoriale me temën “ Personat me aftësi të kufizuar”

Kushtet për aplikantët:

1. Regjisori konkurron me projekt skenik /vizion dhe ide/ si dhe propozon qasjen dhe platformën regjisoriale

2. Regjisori nuk ka të drejtë të konkurroj për dy projekte në të njëjtin vit.

3. TKK organizon intervistë me regjisorët me rastin e përzgjedhjes.

4. Regjisorët përzgjidhen për idenë dhe vizionin më të mirë nga një komision profesionist i cili përbëhet prej tre deri pesë (3-5) anëtarë.

5. Komisioni përzgjedhës përbëhet ekskluzivisht nga profesionist të teatrit, autor të njohur dhe të verifikuar të kësaj lëmie

6. Regjisori i përzgjedhur nga komisioni ka të drejtë ekskluzive të përzgjedh ekipin kreativ të projektit.

7. Të drejtë aplikimi kanë të gjithë regjisorët vendës dhe ndërkombëtar

8. Për inskenim do të përzgjidhen dy platforma regjisoriale.

9. Aplikimet mund të bëhen përmes e-mailit [email protected] ose edhe duke i dorëzuar fizikisht në TKK tek asistentja e Drejtorit të TKK -së.

Konkursi është i hapur deri më 15.09.2022. Të gjitha aplikacionet pas kësaj date nuk do të pranohen.

Kushtrim Sheremeti

/Gazeta Express