Festa e ditëlindjes e modeles kthehet në tragjedi: Tre të vdekur, shtatë në gjendje të rëndë

Gazeta Express

29/02/2020 23:13

Të paktën tre njerëz kanë mbetur të vdekur dhe shtatë të tjerë janë në gjendje të rëndë, pasi u helmuan si pasojë e përzierjes së akullit të thatë me ujin e pishinës, gjë e cila ka shkaktuar çlirimin e dioksidit të karbonit gjatë festës së ditëlindjes së një blogerjeje të njohur ruse.

Burri i saj raportohet të jetë një ndër tre viktimat. Shoqet e blogeres Ekaterina Didenko, Natalia dhe Yuri Alferov, të dyja nga 25 vjeçe, u konfirmuan të vdekura nga autoritetet policore në vendin e ngjarjes.

Vetë ajo është në mesin e personave që ndodhen në spital. Burri i Ekaterina, Valentin, dekoroi pishinën me shtresa akulli për të krijuar një “efekt vizual”.

Fillimisht u përfol se blogerja kishte vdekur, por me anë të një postimi në rrejte sociale ajo sqaroi se është gjallë.

“Unë jam ende gjallë. Unë jam pas dyerve të një reparti të kujdesit intensiv. Nuk e di se kush ka vdekur…”, shkroi Ekaterina.