Exit Poll-et thonë se fitoi pa balotazh, Aliu: Faleminderit Ferizaj

Lajme

Gazeta Express

17/10/2021 19:56

Kryetari aktual i Ferizajt, Agim Aliu nga PDK-ja, i ka falenderuar qytetarët për zgjedhjet e sotme, ku sipas Exit Poll-eve të para, ai ka fituar pa balotazh.

Aliu ka shkruar shkurt në Facebook, i kënaqur me të dhënat që i ka marrë nga terreni, raporton Gazeta Express.

Aliu, pa balotazh, do ta fitojë edhe një mandat në krye të kësaj komune. Sipas Exit Poll-it të UBO Consulting, Aliu ka fituar 65.50% të votave, krahas kundërkandidatit të tij nga LVV, Valon Ramadani, i cili sipas kësaj, do të marrë 23.40%.

Sipas këtij Exit Poll-i, kandidatja e LDK-së, Sibel Halimi, ka dalë e treta nga zgjedhjet e sotme me 9.8%, ndërsa Arben Halili nga AAK-ja ka marrë 1.3%.