Kthehu lart

Çmenduria e Man United, thyen gjitha rekordet për blerjen e Neymarit

Çmenduria e Man United, thyen gjitha rekordet për blerjen e Neymarit GazetaExpress

500 milionë euro, kaq është i gatshëm të ofrojë Unitedi për Neymarin, më shumë se dyfishin që pagoi PSG-ja për ta marrë atë nga Barcelona në vitin 2017.

Manchester United është i gatshëm që të bëjë çmenduri për të sjellë brazilianin Neymar në Angli, i cili po kërkohet edhe nga Real Madridi, raporton “Le10Sport”, transmeton Gazeta Express.

Sipas “Le10Sport”, United po përgatit plot 500 milionë euro për sulmuesin brazilian, i cili verën e kaluar la Barcelonën për t’u transferuar te PSG-ja për 222 milionë euro.

Mourinho po kërkon një yll për sulmin e skuadrës së tij. Kandidati kryesor deri tani ka qenë Antoine Griezmann, por orët e fundit duket se vështrimi i “Djajve të Kuq” është hedhur edhe nga braziliani.

Neymar, që ka shënuar 20 gola dhe ka dhënë 14 pasime për gol në 22 ndeshjet që ka luajtur deri tani me PSG-në, kërkohet me ngulm edhe nga Real Madridi.

Florentino Perez është adhurues i kamotshëm i magjistarit brazilian dhe e do verën e ardhshme në “Santiago Bernabeu”, për të zgjidhur situatën nëpër të cilën po kalon klubi madrilen.

Për dallim nga Man United, raportohet se Perez është i gatshëm t’i derdhë 400 milionë euro në arkat e PSG-së vetëm për të lënë të lirë 25 vjecarin. /Gazeta Express/

    Bëje LIKE dhe merr lajmin e fundit nga Sporti:
    Data: 12 Janar 2018 20:23
    Autori: GazetaExpress

    Komentet

    Të tjera