Në kuadër të kompanisë MediaWorks veprimtari primare është publikimi i gazetës ditore 'Express' - megjithëse planet afatgjate të kompanisë parashohin që brenda një kohe jo fort të largët veprimtaria e saj të zgjerohet edhe në lëminë e Marketingut (përmes hapjes së një Zyre të veçantë), si dhe në atë të Komunikimit Masiv (përmes startimit me programin e saj televiziv), duke mbuluar kështu një hapësirë të konsiderueshme mediale.

Nga ana tjetër, me qëllim të pranisë sa më të afërt me lexues, duke filluar nga 1 maji i vitit 2006 gazeta Express iu ofrohet lexuesve tanë me çmim të ri prej vetëm 20 centësh - Për çdo ditë.

Veç kësaj, Express është burim ekskluziv i informimit edhe për më se 1,000,000 udhëtarët vjetorë të Aeroportit të Prishtinës, falë marrëveshjeve ekskluzive të MediaWorks me avio-kompanitë 'Austrian Airlines', 'British Airways', 'Kosova Airlines/Eurokoha' dhe 'Malev'. Avio-kompanitë e lartpërmendura parapaguhen në tirazhin ditor të gazetës, të cilin pastaj ua ofrojnë falas udhëtarëve në aeroplanë.

Për më tepër, përmes një qasjeje kreative në marketing dhe reklamim, MediaWorks është e interesuar për realizimin e marrëveshjeve afatgjate edhe me kompaninë tuaj - e me qëllim të përfitimit të ndërsjellë afarist. Ekipi i gazetarëve dhe i dizajnuesve kompjuterikë të gazetës Express është në dispozicionin tuaj të përhershëm për ofrimin e ndihmës gjatë formulimit, paraqitjes dhe disejnimit të veçantë të ofertës suaj - qoftë në trajtë të Marketingut Klasik, qoftë përmes angazhimit në Seksionin e Reklamimit Special (SRS).

Ofertë e Marketingut

Meqë me Kompanitë/Institucionet e interesuara - qofshin ato kosovare, apo edhe nga jashtë - do të mund të fillonim ndonjë bashkëpunim të ri në lëminë e reklamimit të prodhimeve/shërbimeve që ato ofrojnë, jemi munduar që të ofrojmë një mundësi të mirë të reklamimit, të përcjellë edhe me publikime falas.

Marrë parasysh faktin se edhe vetë dizajni i gazetës Express është i koncipuar ashtu që, veç ofrimit të informatave të besueshme dhe të konfirmuara, të ofroj edhe një kualitet të avancuar grafik, gjë që ofron mundësinë e realizimit shumë kualitativ për reklamim të prodhimeve/shërbimeve tuaja brenda faqeve të gazetës sonë, kjo gjithsesi paraqet një arsye më tepër që fushatat tuaja reklamuese t'i drejtoni në faqet e gazetës Express

Ju, nga ana tjetër, mund të shfletoni gazetën Express dhe të zgjidhni edhe vetë faqen për të cilën mendoni se është më atraktivja për lexim nga ana e klientëve tuaj të tanishëm, por edhe nga ata potencial.

Për çdo informatë shtesë që ndërlidhet me ofrimin e informatave që ka të bëj me mundësinë e reklamimin tuaj në gazetën Express ju lusim që ta kontaktoni zyrën e Departamentit të Marketingut të gazetës Express.

Tel: +381 38 76 76 76 ;

e-mail: marketing@gazetaexpress.com

Vjollca Musa,

Drejtor i Marketingut