Kthehu lart

Çfarë ndodh në trurin tuaj në momentin e fundit të jetës

Çfarë ndodh në trurin tuaj në momentin e fundit të jetës GazetaExpress

Një valë e aktivitetit elektrik në qelizat e trurit tonë, e quajtur “përhapje e depresionit”, duket të shënojë momentin final para vdekjes, kanë zbuluar studiuesit.

Ekspertët kanë ekzaminuar aktivitetin e trurit në pacientët që ishin duke vdekur dhe observuan stuhinë e aktiviteteve që duket t’i paraprijë fundit fatal të organit tonë më vital.

Gjetjet sugjerojnë se vetëdija ende mund të jetë e pranishme për shumë minuta pasi pjesa tjetër e trupit ka ndaluar të tregojë shenja jete.

Ekipi i neurologëve, përfshirë Charité–Universitätsmedizin Berlin, në mënyrë të vazhdueshme kanë monitoruar sinjalet elektrike në trurin e nëntë personave derisa po vdisnin.

Secili nga pacientët kishte pësuar lëndime fatale të trurit duke ‘mos ringjallur’ urdhrat.

Ekspertët shpresojnë se duke implementuar elektrodat në trurin e subjekteve të testit, ata mund të zbulojnë mekanizmat e kohës së zhvillimeve gjatë procesit të vdekjes.

Ata gjetën se pesë minuta pas vdekjes, neuronet e trurit ishin ende në funksion.

Por, vala e ‘përhapjes së depresionit’ shënon momentin kur këto neurone shuhen para vdekjes së pakthyeshme.

“Pas arrestit të qarkullimit të gjakut, përhapja e depolarizimit shënon humbjen e energjisë elektrokimike të ruajtur në qelizat e trurit dhe fillimin e proceseve toksike që përfundimisht çojnë në vdekje. Qelizat vdesin kur gjaku ndalon rrjedhjen, duke i privuar ata nga oksigjeni që kanë nevojë për karburant për të funksionuar”, thuhet në kumtesën e autorit kryesor të studimit Jens Dreier nga Universitätsmedizin Berlin.

    Data: 01 Mars 2018 05:59
    Autori: GazetaExpress

    Të tjera