Kthehu lart

Si do të duket ushtria e Kosovës? Kështu e parasheh projektligji

Si do të duket ushtria e Kosovës? Kështu e parasheh projektligji GazetaExpress

Forcat e Armatosura të Kosovës do të jenë forca kombëtare ushtarake të Republikës së Kosovës.

Parada e ardhshme e FSK-së, mund të duket ndryshe.

Pjesëtarët e FSK-s gjatë parakalimit do të shoqërohen nga ajri edhe me helipoterë.

Kurse armatimi do të jetë edhe më i rëndë.

Kështu të paktën e sheh projektligji për Forcën e Armataosura të Kosovës i cili është dorëzuar në Qeverinë e Kosovës, raporton "Frontal" në T7.

Në nenin 14 të Projektligjit për ndryshimin dhe plotësimin e ligjeve që kanë të bëjnë me Forcat e Armatosura të Kosovës, thuhet se “Forcat e Armatosura të Kosovës do të jenë të pajisura me armatim të karakterit mbrojtës, në pajtim me nevojat e Forcave të Armatosura të Kosovës”.

Në bazë të këtij projektligji parashohet që numri i ushtarëve të jetë shumë më i madh sa ka aktualisht FSK-ja.

Pastaj, emërtimi për Ministrinë e Forcës dhe Sigurisë së Kosovës fshihet dhe bëhet Ministria e Mbrojtjes. E njëjta gjë ndodh edhe me emërtimin e ministrit kurse Komandanti i FSK-së do thirret Shef i Mbrojtjes.  

Ky projektligj e specifikon edhe Shërbimin e nënoficerëve të Forcës së Armatosura të Kosovës përbëhet nga gjashtë grada, nga më e ultë te më e larta në këtë renditje si: Ushtar, Tetar, Rreshter, Kapter, Rreshter i parë dhe Rreshter major.

Po ashtu në këtë projektligj thuhet se Forcat e Armatosura të Kosovës janë forca kombëtare ushtarake të Republikës së Kosovës, dhe mund të dërgojnë pjesëtarët e saj jashtë vendit, në përputhje të plotë me përgjegjësitë e saj ndërkombëtare.

    Data: 15 Maj 2018 20:20
    Autori: GazetaExpress

    Të tjera