Kthehu lart

SHBA-ja e kishte ndaluar pirjen e duhanit në punë para 24 vjetësh

SHBA-ja e kishte ndaluar pirjen e duhanit në punë para 24 vjetësh GazetaExpress

Departamenti amerikan i Mbrojtjes, më 8 mars 1994, kishte shpallur ndalimin e pirjes së duhanit në vendet e punës.

Ky ndalim është pjesë e politikave publike, duke përfshirë këtu ligjet kriminale, ligjet e sigurisë si dhe rregullat e shëndetit. Që të gjitha këto ndalojnë pirjen e duhanit në vende të punës dhe hapësira të tjera publike.

Këto ndalesa të konsumimit të duhanit u krijuan me qëllim që të parandalohen dëmet që u bëhen përdoruesve pasivë të duhanit (personave që nuk konsumojnë duhan, mirëpo thithin tymin e tij). Sëmundjet nga të cilat këta persona rrezikon përfshijnë: probleme me zemrën, kancer, si dhe një varg sëmundjesh të tjera.

Ky ligj është në shërbim të zvogëlimit të shpenzimeve mjekësore, të rritjes së produktivitetit në punë, si dhe bërjen e vendit të punës një vend më të pëlqyer nga njerëzit. Përfitime të tjera nga ky ligj shihen edhe; parandalimi i shkaktimit të zjarrit, pastërtia në vendin e punës, ambiente më të pastra, si dhe shumë e rëndësishme; frymëzimi i duhanpirësve për të hequr dorë nga pirja e duhanit, përcjell KosovaPress.
Organizata Botërore e Shëndetësisë konsideron se ndalimi i duhanit në vendin e punës ka ndikim në krijimin e një ambienti ku pirja e duhanit bëhet më e vështirë, e po ashtu edhe krijimin e një mendësie ku duhani nuk shihet si i pranueshëm në jetën e përditshme.

Ndalimi i pirjes së duhanit në vende publike ka ndihmuar në zvogëlimin e lindjeve të parakohshme me 10 për qind.

    Data: 08 Mars 2018 09:25
    Autori: GazetaExpress

    Të tjera