Kthehu lart

Nikoliq: S’ka kushte për bisedime, Prishtina nuk po i zbaton marrëveshjet

Nikoliq: S’ka kushte për bisedime, Prishtina nuk po i zbaton marrëveshjet GazetaExpress

Presidenti serb Tomislav Nikoliq thotë se bisedimet me Prishtinën janë duke u zhvilluar në kushte pothuajse të pamundura.

Sipas tij, Beogradi po përmbush gjithçka që kërkohet prej tij në këto bisedime, ndërsa siç vlerëson Nikoliç, pala tjetër  po lejohet që të mos i zbatojë marrëveshjet, shkruan b92, transmeton GazetaExpress.

"Ne presim dhe shpresojmë për kushte të drejta dhe të barabarta në bisedimet e mëtejshme me Kosovën ", tha Nikoliq gjatë takimit të tij në Beograd të premten me kancelarin austriak Christian Kern.

Nikoliq shprehu mirënjohjen e tij ndaj Austrisë për mbështetjen e saj ndaj Serbisë në BE.

"Ne jemi mirënjohës për mbështetjen e Austrisë në integrimin evropian dhe ne presim që përpjekjet tona në këtë udhëtim do të jepen brenda një kohe të arsyeshme. Jemi duke i përmbushur të gjitha kushtet dhe ne kemi qenë në gjendje të zbatojmë reforma të vështira," tha Nikoliq. /GazetaExpress/

    Data: 17 Shkurt 2017 16:59
    Autori: GazetaExpress

    Të tjera