Kthehu lart

Kryetari i Komunës e punëson vëllanë e tij si shofer personal

Kryetari i Komunës e punëson vëllanë e tij si shofer personal GazetaExpress

Kryetari i ri i Komunës së Vushtrrisë, Xhafer Tahiri, ka punësuar vëllanë e tij si shofer personal.

Sipas Tahirit, në bazë të rregullores kryetari ka të drejtë të punësojë shoferin dhe asistenten e tij.

“Është e vërtetë që shoferi është vëllai im. Në bazë të rregullores kryetari i Komunës ka të drejtë të punësojë shoferin dhe asistenten tij”, tha Tahiri për Kallxo.com.

Por, për punësimin e vëllait të tij në pozitën e shoferit, Tahiri tha se nuk është për periudhë të gjatë, por është bërë vetëm për këtë fazë fillestare.

"Është punësim vetëm për një fazë transitore pasi që është fillimi, derisa të identifikojmë një person që mund të jetë shofer i brendshëm ose i jashtëm”, u shpreh Tahiri.

    Data: 12 Janar 2018 11:59
    Autori: GazetaExpress

    Të tjera