Kthehu lart

Javën e ardhshme vjen në Kosovë për herë të parë kryetarja e Gjykatës Speciale

Javën e ardhshme vjen në Kosovë për herë të parë kryetarja e Gjykatës Speciale GazetaExpress E martë, 14 Nentor 2017 11:51

Ekaterina Trendafilova, kryetarja e Dhomave të Specializuara të Kosovës, do ta vizitojë Kosovën për herë të parë, gjatë javës së ardhshme, mëson Gazeta Express. Vizita e saj, sigurisht ka të bëjë me hetimet që po i bën kjo gjykatë rreth krimeve që pretendohen të jenë kryer pas konfliktit të viteve 1998-1999.

Trendafilova, para se t’i bashkohej Dhomave të Specializuara të Kosovës, ajo ishte gjyqtare në Gjykatën Penale.

Në kohën kur u zgjodh në krye të Gjykatës Speciale, Trendafilova kishte thënë se gjykata e sapokrijuar me bazë në Hagë, që do të gjykojë ish-anëtarë të Ushtrisë Çlirimtare të Kosovës, nuk do të jetë etnikisht e njëanshme, pasi do të gjykojë vetëm kriminelët e dyshuar, jo vetëm organizatën guerilase.

Ndërkaq, deri më tani ende nuk dihet saktë se kur do të ngrihen aktakuzat e para të kësaj Gjykate, ani pse është raportuar në vazhdimësi se ato do të ndodhin në fund të vjeshtës së këtij viti.

Kryetarja e Gjykatës Speciale, Ekaterina Trendafilova, edhe zyrtarisht ka nisur punën e saj në konsolidimin e ekipit, i cili do të merret me hetimin e krimeve të supozuara të UÇK-së, në janar të 2017-ës. /GazetaExpress

    Data: 14 Nentor 2017 11:51
    Autori: GazetaExpress

    Të tjera