Kthehu lart

Dëshmitari: Florim Ejupi u ngarkua me detyrë vrasjen e Xhavit Halitit

Dëshmitari: Florim Ejupi u ngarkua me detyrë vrasjen e Xhavit Halitit GazetaExpress

Në Klan Kosova është transmetuar rrëfimi ekskluziv për veprimtarinë e një grupi të njerëzve, që kryen disa prej rasteve më të rënda kriminale të pasluftës, përfshirë vrasjet politike.

Ka folur njëri prej anëtarëve të këtij grupi, që tash është dëshmitar i mbrojtur i Prokurorisë Speciale të Kosovës.

Shkumbin Mehmeti ka akuzuar vëllezërit Qerim dhe Ibrahim Kelmendi për organizim të vrasjeve të pasluftës në Kosovë.

Ka thënë se Kelmendët kanë ngakuar Florim Ejupin me detyrë për vrasjen e Xhavit Halitit, deputet i PDK’së - por se plani për vrasjen e tij ka ngecur.

Mehmeti po ashtu ka thënë se Kelmendët kanë urdhëruar vrasjen e deputetit të LDK’së, Smail Hajdaraj, dhe të Tahir Zemajt.

Mehmeti ka thënë gjithashtu sevrasja veprimtarit të LDK’së, Xhemail Mustafa, është bërë nga dora e Agron Sylejmanit.

Dëshmitari po ashtu e ka përmendur si të përfshirë në vrasjet e pasluftës edhe vëllain e Lahi Brahimajt, ish-deputet i Kuvendit, nga radhët e AAK'së.

Ndonëse fillimisht është menduar se Mehmeti do të flasë i maskuar, ai ka kërkuar që këtë ta bëjë me zë dhe me fytyrë, pa u fshehur.

Mehmeti është i dënuar me 30 vjet burgim, për vrasjen e policëve të UNMIK’ut në vitin 2004. /Express/

    Data: 11 Janar 2018 21:44
    Autori: GazetaExpress

    Të tjera