Kthehu lart

Daçiq në OKB: Kosova ta krijojë Asociacionin

Daçiq në OKB: Kosova ta krijojë Asociacionin GazetaExpress E martë, 14 Nentor 2017 18:48

Ministri i Jashtëm i Serbisë, Ivica Daçiq ka thënë se Asociacioni i Komunave me Shumicë Serbe, ka katër vjet e gjysmë që nuk është krijuar në Kosovë, prej arritjes së marrëveshjes në Bruksel.

Ai në Këshillin e Sigurimit të OKB-së në raportin tremujor për Kosovën, se kjo është pika kryesore e Serbisë, pra krijimi i Asociacionit, njofton Klan Kosova.

“Dua t’i ftoj përfaqësuesit e institucioneve në Kosovë që pa hezitim t’i qasen krijimit të asociacionit”.

“Si dialog duhet tu kthehet njerëzve dhe jo vetëm të mbetet vetëm mes elitave politike”, ka thënë ai më tej.

“Prishtina vazhdon të mos i respektojë udhëtimet e zyrtarëve serbë në Kosovë. Nuk ka një trajtim të duhur të personave të zhvendosur”, ka shtuar Daçiq.

Daçiq ka thënë se duke pasur parasysh situatën politike në Kosovë, dua tu tregoj se prania e UNMIK garanton siguri për popullatën serbe dhe jo shqiptare.

“Ende janë rreth 200 mijë persona të zhvendosur nga Kosova dhe shumë pak prej tyre janë kthyer. Raporti i thekson disa mungesa, lidhur me mbrojtjen e të drejtave të serbëve. Në Kosovë ka edhe arrestime arbitrare që flasin për situatën politike, flas për arrestimin e serbëve në jug të Kosovës, e të cilët janë të akuzuar për krime”.

“Kjo flet për shtimin e kapaciteteve të UNMIK, për të bërë siguri dhe të krijohen kushtet për kthim. Raporti flet për mos zbatimin e vendimit të Gjykatës Kushtetuese për pronat e manastirit të Deçanit. Aty kemi të bëjmë me prishje të kishës serbe në Kosovë që është edhe pjesë e trashëgimisë botërore kulturore”.

“Shpresojmë që të gjithë të akuzuarit për krime lufte do të ketë një proces kredibil gjyqësor. Serbia sikur deri tani është përkushtuar në dialogun me Prishtinën. Serbia ka ofruar gjithmonë kompromis. Përfaqësuesit e Listës Serbe kanë deklaruar se kushtet për hyrje në qeverinë Haradinaj janë më se të qarta”, ka thënë Daçiq ndër të tjera.

    Data: 14 Nentor 2017 18:48
    Autori: GazetaExpress

    Të tjera