Kthehu lart

Bilborde me emrat e grave të vrara në Prishtinë

Bilborde me emrat e grave të vrara në Prishtinë GazetaExpress

Në rrugët e Prishtinës sot është shfaqur kreativitet i jashtëzakonshëm.

Disa billborde kanë transmetuar porosi rrëqethëse me qëllim që ta sjellin në vëmendje problematikën e mungesës së reagimit të duhur institucional ndaj dhunës që ushtrohet ndaj grave.

“Edhe sa thirrje të humbura”, “Diana Kastrati”, “Zejnepe Bytyqi” – janë porositë që duhet ta zgjojnë ndjeshmërinë qytetare dhe institucionale për këtë fenomen.

Mënyra e tillë e dhënies së porosive është inspiruar nga filmi i famshëm i “Three Billboards Outside Ebbing, Missouri”, në të cilin një nënë e pikëlluar i shfrytëzon tre billborde për ta turpëruar policinë që nuk ka vullnet ta zgjidhë misterin e përdhunimit dhe vrasjes së vajzës së saj.

Filmi është bazuar në ngjarje të vërtetë të familjes Fulton nga qyteza Vidor në Teksas, e cila vendos billborde të tilla që nga vitit 1991, kur iu është vrarë vajza Kathy Page.

    Data: 08 Mars 2018 12:17
    Autori: GazetaExpress

    Të tjera