Kthehu lart

Zhupa: Si Rama financoi me lekët e drogës shkrimin në median amerikane

Zhupa: Si Rama financoi me lekët e drogës shkrimin në median amerikane GazetaExpress

Zëdhënësja e Partisë Demokratike, Ina Zhupa iu përgjigj deklaratave të dala nga Partia Socialiste në lidhje me shkrimin e revistës amerikane për lobimin rus të Lulzim Bashës.​

Sipas Zhupës shkrimi i publikuar në Mother Jones, një media ekstremiste e majtë e njohur për qëndrimet e saj anti-Trump, është financuar nga Edi Rama me para të paligjshme.

“Shkrimi është pjesë e një fushate të qëllimshme për të mbuluar kokainën dhe lidhjet e familjes Rama me të.

Akuzat me rusë të artikullit janë thellësisht qesharake, por për t’i bërë edhe më qesharake, sot ato i ripërcolli Elisa Spiropali.

Elisa, e cila nga puna në doganë duket se ka krijuar një njohje të veçantë për oligarkët, ka bërë sot një sallatë ruse me oligarkë dhe Kremlin.

Është shenjë e nivelit të turpshëm të korruptimit dhe inkriminimit të Partisë Socialiste fakti që ruajtësja e nderit në PS është bërë Elisa Spiropali. Por është akoma më e rëndë që një parti e tërë po angazhohet përherë e më shumë në mbrojtje të drogës dhe të krimit.

Edhe ky cikël akuzash të mercenarëve të paguar me paratë e kontrabandës dhe trafikut që kur Elisa ishte Drejtoreshë e Përgjithshme e Doganave, do të diskretitohen.

Ajo që mbetet është ajo që ka rëndësi - Saimir Tahiri si trafikant dhe familja Rama e përfshirë në tregtinë e kokainës. Këta janë rreziku i destabilizimit të Shqipërisë”, tha Zhupa./Gazeta Express

    Data: 08 Mars 2018 15:45
    Autori: GazetaExpress

    Të tjera