Juventusi e fillon me fitore Ligën e Kampionëve

Gazeta Express

20/10/2020 21:01

Juventusi e ka nisur mirë Ligën e Kampionëve ku e ka mposhtur me rezultat 0-2 në Kievë, Dinamo Kievin. Morata ishte yll i kësaj mbrëmje pasi që shënoi të dy golat për Juventusin

Juventusi e ka nisur me fitore Ligën e Kampionëve duke e mundur me rezultat 0-2 Dinamo Kievin.

Pjesa e parë përfundoi me rezultat të barabartë 0-0, me Juventusin që e dominoi takimin por që nuk arriti që të shënoi gol.

Pjesa e dytë nisi furishëm, me Juventusin që do të shënonte që në minutat e para të saj.

Një goditje të Aaron Ramsey në minutën e 46 nuk mundi ta pret portieri e ku topin e devijuar e shndërron në gol Alvaro Morata.

Juventusi vazhdon dominimin dhe shënon edhe golin tjetër në minutën e 84-të, ku përsëri ishte golashënues Morata.

Pas kësaj ndeshje Juventus prin me 3 pikë në Grupin G, s’paku deri në përfundimin e ndeshjes Barcelona-Ferencevaros. /GazetaExpress/