Me muzikë merren që një kohë të gjatë, por vetëm tani kanë arritur që të prezantohen fuqishëm në tregun vendor. Oferta që ata të bashkëpunojmë kanë nga të gjithë, por për momentin kanë vendosur që të vazhdojnë karrierën si solo grup.

HIPHOP: A mund të na tregoni se kur ia keni filluar me këtë profesion?

Kico n Torch: Kemi filluar që në shkollën fillore, apo më saktësisht në klasën e shtatë, që i bie 10 vjet.

HIPHOP: A jeni në ndonjërin nga labelat si PINT ose BABASTARS, pse jo edhe TBA?

Kico n Torch: Jo, nuk jemi, mirëpo bashkëpunojmë dhe jemi të hapur për të gjithë për bashkëpunim.

HIPHOP: Duke e llogaritur këtë punë si primare, a keni ndonjë shkollë të kryer dhe cilat janë planet tuaja në këtë drejtim?

Kico n Torch: Po, jemi te shkolluar nga ana muzikore dhe me anën teknike. Por në të ardhmen, ndoshta do të mendojmë për më shumë.

HIPHOP: Sa keni pasur oferta që t’i bashkëngjiteni ndonjë labeli apo klike?

Kico n Torch: Oferta kemi pasur nga të gjithë labelat më të famshëm në Kosovë.

HIPHOP: Pse i keni refuzuar?

Kico n Torch: Se nuk e kemi parë të arsyeshme pasi që në të ardhmen mendojmë të krijojmë diçka vetë. You know what I mean self-made.

HIPHOP: Duke ditur bashkëpunimet tuaja me estradën tonë, çfarë mund të presim nga ju këtë verë dhe më gjatë?

Kico n Torch: Sa i përket kësaj vere, kjo do të jetë e nxeeeeeehtë, e për me gjatëm do ta shihni vetë.

HIPHOP: Më kë nga estrada do të kishit dëshirë të keni më shumë bashkëpunime?

Kico n Torch: Ai që është i kënaqur me punën tonë dhe i cili paguan për atë punë.

HIPHOP:E kujt ka qenë ideja për bashkëpunim?

Kico n Torch: Ideja ka qenë e përbashkët, ku na kanë lidhur shumë gjëra, stili i muzikës që është gjë shumë më rëndësi, kemi qenë në shkollë bashkë po ashtu.

HIPHOP: A keni menduar të keni ndonjë bashkëpunim me artistë jashtë vendit?

Kico n Torch: Po, kemi menduar dhe jemi duke shikuar në atë drejtim.. Për më shumë ia lëmë kohës.

HIPHOP: A pritet diçka prej jush në ditët në vijim?

Kico n Torch: Po, kemi projekte shumë të cilat jemi duke i punuar, po ashtu të shtunën pritet të dalë kënga e TDS - Me syza t'dillit, ku dhe 70 % të albumit është kompozuar nga ne, i cili pritet të dalë nga fundi i muajit qershor apo fillimi i korrikut.

HIPHOP: 'Në një këngë që merr famë ' sa ka rëndësi puna juaj në të?

Kico n Torch: Duke pasur parasysh që në ditët e sotme më së shumti po ka rol instrumentali, po aq ka rëndësi edhe puna jonë.

HIPHOP: Kë e konsideroni si konkurrencë të fortë?

Kico n Torch: Dr.Dre!

HIPHOP: Cilën lloj të muzikës e kompozoni më së shumti ?

Kico n Torch: Të gjitha zhanret përpos TALLAVA.

HIPHOP: Për fund, cilat janë planet tuaja për të ardhmen?

Kico n Torch: Qëllimi kryesor për të ardhmen është se jemi duke sjellë një “sound” apo një stil të ri që nuk është dëgjuar më parë në vendin tonë.