Kreu i qeverisë shqiptare, Sali Berisha ka shtruar një darkë mbrëmjen e së premtes për të gjithë përfaqësuesit e komuniteteve fetare në Shqipëri në një prej rezidencave të tij qeveritare.

Ne këtë darke, Kryeministri ka vlerësuar jo vetëm përkushtimin ndaj Zotit të të gjithë besimtareve qe agjëruan ne muajin e Ramazanit,por rendësin e bashkëjetesës fetare.

"Ne shqiptarët kemi një trashëgimi të shkëlqyer, e cila dora dorës vjen duke u bërë gjithnjë e më e njohur dhe dora dorës vjen duke u shpalosur gjithnjë e më shumë në Europë dhe në Botë. Këtë vit, që kemi edhe vitin e 100 vjetorit të pavarësisë së vendit është një rast për të shprehur një mirënjohje të thellë ndaj udhëheqësve të kombit të të gjitha besimeve, të cilët dhanë një kontribut historik në pavarësinë e Shqipërisë, në pavarësinë e shqiptarëve, në lirinë e shqiptarëve. Këtë vit këtë 6 mujor, ne kryesojmë institucionin më të vjetër demokratik të Europës të pasluftës, Këshillin e Europës dhe ky është një nder shumë i madh për ne dhe një nga motot e këtij drejtimi që kemi përzgjedhur, është "Të bashkuar në diversitet" dhe këtë moto ne shqiptarët mund ta ilustrojmë bukur me trashëgiminë tonë shpirtërore, me respektin tonë të madh të ndërsjellë për besimin e tjetrit, me tolerancën fetare të shkëlqyer që ne kemi", tha Berisha.

Ne këtë darke kreu i qeverise tha se ky është viti i 100-vjetorit te Pavarësisë së vendit ngaj eshte rasti te shprehim një mirënjohje te thelle ndaj udhëheqësve te kombit te te gjitha besimeve, te cilët dhanë një kontribut historik ne pavarësinë e Shqipërisë.

Qindra mijëra qytetarë shqiptarë kanë agjëruar përgjatë një muaji duke treguar devotshmërinë e tyre ndaj besimit edhe në këto ditë të nxehta vere.

Kreu i Komunitetit Mysliman, Haxhi Selim Muça ka uruar gjithë besimtaret myslimanë për festën e Bajramit te Madh, e cila sipas kalendarit fetar është ditën e diel.

“Tashmë po dalim nga muaji më i dashur dhe miku më i njohur ndër myslimanët" Ramazani, muaji i agjërimit, mëshirës, lutjeve; muaji i shpalljes së Kuranit, muaji në të cilin nuk u kursye ndihma dhe favori hyjnor. Nesër është Bajram dhe me këtë rast i uroj të gjithë besimtarët myslimanë shqiptarë kudo qofshin, gëzuar Fiter Bajramin. Paqe, lumturi dhe gëzim sjelltë në familjet tuaja. Bajrami është festa më e dobishme dhe më e bekuar për myslimanët. Festimi i ditëve të Bajramit i inkurajon myslimanët për angazhime të mëtejshme dhe krijimin e një të ardhme më të mirë e më të lumtur. Kremtimi i kësaj feste i jep myslimanëve një emocion të veçantë, një frymë të re, një zell të ri në punët e tyre fetare dhe të kësaj botë.Urimet dhe vizitat e Bajramit janë tradita të vyera të popullit tonë, të cilat kanë lënë gjurmë të thella e të pashlyeshme. Nisur nga kjo, le të shërbejnë këto ditë feste për më shumë mirësi, afrimitet, paqe dhe dashuri mes njëri-tjetrit, në të mirë të shoqërisë, kombit dhe gjithë njerëzimit. I uroj edhe njëherë besimtarëve myslimanë dhe gjithë shqiptarëve, ta jetojnë gëzuar këtë festë. Paçin mirësi e begati dhe Zoti ua pranoftë agjërimin dhe adhurimet që kanë kryer gjatë muajit të bekuar të Ramazanit", tha Selim Muça.

Kreu i Komuniteti Mysliman tha se Fiter Bajrami është festa më e dobishme dhe më e bekuar për myslimanët. Për besimtaret kjo feste nis pas natës se fundit te muajit te Ramazanit dhe vazhdon me ritualin e faljes se namazit te Bajramit që do të kryhet në bulevardin Dëshmorët e Kombit, të dielën në mëngjes. (TCH)