Cilat janë kushtet që një student të banojë në konvikt?

Lajme

Gazeta Express

18/09/2021 20:56

Në një dhomë në konvikt pritet të qëndrojnë tre persona, ata duhet të jenë të vaksinuar.

Të tilla punë po kryhen në njërin nga konviktet në kryeqytet.

E gjithë hapësira e konviktit numër 6 në Qendrën e Studentëve po rinovohet pasi që së shpejti, do të vijnë studentë për të banuar.

Mirëpo këtë vit akademik si pasojë e gjendjes me pandeminë, do të dallojë mënyra e akomodimit të tyre në krahasim me vitin paraprak.

Kjo duke filluar edhe nga numri i studentëve që qëndrojnë në një dhomë.

Për akomodimin e studentëve nëpër konvikte, përkujdeset drejtori i strehimit Isak Beha.

Beha thotë se këtë vit studentët mund të aplikojnë për kapacitetin total që ofrojnë konviktet.

E si masë tjetër anti Covid, do të jetë edhe të ushqyerit në mensë.

Beha tregon se si do të funksionojë mensa në kushte pandemie.

Mirëpo për tu akomoduar në Qendrën e Studentëve, secili student duhet të jetë i vaksinuar me dy dozat e vaksinës ose i testuar me testin antigjen.

Aplikimi për të banuar në Qendrën e Studentëve ende është i hapur.