Kthehu lart

Kia paralajmëron tre modele Ceed

Kia paralajmëron tre modele Ceed GazetaExpress

Kia ka paralajmëruar se përveç modelit tashmë të shfaqur Ceed me pesë dyer, viteve të ardhshme do të prezantojë edhe tri vetura nga e njëjta familje.

Njëri prej tyre do të jetë gjithsesi versioni karavan, autor i të cilit do të jetë X-Tomi, i njohur për projekte të ngjashme, transmeton KosovaPress.

Derisa tash është e qartë paraqitja e Ceed, autori në renderin e dytë është lëshuar në imagjinatë dhe ka treguar se si sipas tij mund të imagjinohet një Ceed "fastback" hipotetik.

Si bazë për të dy renderët është përdorur Ceed i ri me pesë dyer.

Sa i përket planeve për versione tjera, prodhuesi korean planifikon variantin SUV/crossover, i cili do të jetë konkurrent i Volkswagen T-Roc dhe do të pozicionohet ndërmjet modeleve Kia Stonic dhe Sportage.

Ky model është planifikuar për vitin e ardhshëm dhe para tij do të arrijë versioni karavan dhe ai sportiv Proceed. Më vonë pritet edhe versioni më i fuqishëm GT, i bazuar në hatchback, por thuhet se nuk do të jetë po aq agresiv sa edhe Hyundai i30 N.

    Data: 27 Shkurt 2018 04:59
    Autori: GazetaExpress

    Të tjera