Kthehu lart

Në Kukës sërish godasin me gurë autobusët e Kosovës

Në Kukës sërish godasin me gurë autobusët e Kosovës
GazetaExpress E diel, 18 Gusht 2013 10:37

Një autobus me studentë kosovar, që ka qenë duke udhëtuar nga Kukësi drejt pikës kufitare të Morinit në Kukës, është goditur me gurë gjatë udhëtimit. Ngjarja ka ndodhur në vendin e quajtur “Rexhepaj”, rreth 10 kilometër larg nga qyteti i Kukësit, transmeton BW.

Sipas informacioneve të para bëhet e ditur se autobusi është gjuajtur me gurë duke thyer një prej xhamave të dritares së krahut të djathtë e duke tmerruar pasagjerët. Nga ky incident, fatmirësisht nuk ka pasur të plagosur mes pasagjerëve të cilët kanë njoftuar menjëherë policinë. Kjo e fundit sapo ka marrë dhe denoncimin ka shkuar në vendin e ngjarjes dhe se aktualisht është duke punuar për gjetjen e autorit apo autorëve të kësaj ngjarje.

Të dhënat e para, që konfirmohen edhe nga dikasteri blu, bëhet e ditur se në momentin e ngjarjes disa fëmijë kanë qenë duke kullotur bagëtitë, në pjesën e sipërme të rrugës. Të njëjtat burime thonë se studentët po ktheheshin nga pushimet në bregdet ku udhëtojnë çdo ditë mijëra kosovarë. Deri tani nuk ka ndonjë të shoqëruar në komisariatin e policisë, por policia vijon hetimet. Gjuajtja e autobusit apo edhe automjeteve të tjera me gurë nuk është një fenomen i ri. Shpeshherë turistë të ndryshëm bien preh e këtyre veprimeve duke ndikuar negativisht jo vetëm tek turistët por edhe vetë sezoni turistik.

Data: 18 Gusht 2013 10:37
Autori: GazetaExpress

Të tjera