Kthehu lart

Lëvizja Bashkohu: S’do ta lëmë Xhabirin të bëhet Myfti i Kosovës

Lëvizja Bashkohu: S’do ta lëmë Xhabirin të bëhet Myfti i Kosovës
GazetaExpress E diel, 18 Gusht 2013 15:31

(E plotësuar) Lëvizja Islame Bashkohu përmes një komunikate për media ka shfaqur preferencat e saj për Myftiun e ardhshëm të Kosovës.

Deri më tash kurrë nuk ka ndodhur që një parti të përzihet në zgjedhjet e komuniteteve fetare. Reagimi i partisë së Fuad Ramiqit është i pari i këtij lloji.

Për më tepër ky subjekt politik me një gjuhë fyese godet kandidatin Xhabir Hamitit, i cili llogaritet të jetë favorit për postin e Kryetarit të BIK’ut.

Në vazhdim sjellim të plot reagimin e Lëvizjes Bashkohu.

Me anë të së cilës i sigurojmë besimtarët musliman të Kosovës dhe përkthyesin Xhabir Hamiti se është tërësisht e papranueshme dhe nuk do të lejojmë me asnjë çmim që në krye të Bashkësisë Islame të Kosovës si institucionit i vetëm fetar Islam në Kosovë të vij një njëri hipokrit, i devijuar, realizues i skenarëve antiislame që vazhdimisht shpif dhe akuzon pa bazë duke bërë përpjekje që ta paraqes islamin , muslimanët në Kosovë dhe vetë BIK-un si të radikalizuar dhe të rrezikshëm.

Pretendimi i Xhabir Hamitit për tu zgjedhur Myfti është absurd kur dihet që nuk ka pas vetes vetëm katër ose pesë hoxhallarë të dështuar të cilët në mungesë të realizimit të apetiteve të tyre të sëmura për pozita në këshillat lokal të BIK-ut janë rebeluar dhe kanë gjetur vetën të radhitur pas kryemunafikut Xhabir Hamiti që kështu të arrijnë realizimin e interesave të tyre personale , por të mjerët duke mos qenë të vetëdijshëm që janë bërë pjesë e një skenari antiislam.

Poashtu është absurd dhe qesharak pretendimi i tij për të ardhur në krye të Bik-ut kur dihet se BIK-u përfaqëson interesat e besimtarëve musliman ndërsa përkthyesi Xhabir Hamiti nuk ka përkrahjen e asnjë besimtari musliman , dhe për më tepër nuk do të arrij as plotësimin e kushteve që parashohin dispozitat statutore për kandidim për kryetar të BIK-ut , por këtu del në pah përpjekja e planifikuar e cila ka kohë që është në shërbim të përshtatjes së terrenit për ardhjen e kryemunafikut Xhabir Hamiti në pozitën e Myftisë së Kosovës .

Ka kohë që i shituri Xhabir Hamiti së bashku me disa pseudoanalist, pseudogazetar e pseudopolitikan merr udhëzime nga qarqe të caktuara antiislame dhe antikombëtare qendrat e të cilave i viziton shpesh me vëllezërit e tij të idealit tërë kjo në përpjekje për të prezantuar BIK-un me afro 1500 imam si të radikalizuar duke i akuzuar se interpretojnë apo edhe praktikojnë një Islam radikal , me qëllim që të vije vetë në krye të BIK-ut, ndërsa në realitet Islami që predikojnë hoxhallarët e nderuar në kuadër të BIK-ut është Islami burimor i bazuar në Kuranin Famëlartë dhe Traditën Profetike , është islami të cilin e predikoj me zell të lartë vetë Xhabir Hamiti gjatë kohës sa punoj në Qendrën Islame Boshnjake në Vjenë , para se të vihej në shërbim të agjenturave antiislame , të cilave u ka ofruar vazhdimisht e në veçanti viteve të fundit informacione të pavërteta mbi bazën e të cilave pastaj mediat që janë pjesë e kësaj fushate kanë ngritur akuza të shumta inekzistente ndaj BIK-ut , myftiut Tërrnava dhe hoxhallarëve të caktuar.

Lëvizja Islame Bashkohu i ka përcjellur me vigjilencë të lartë të gjitha lëvizjet që hipokriti Xhabir Hamiti dhe shokët e tij të idealit i kanë bërë në shërbim të ardhjes së tij në krye të Bik-ut e që do të ishte e barabartë me shkatërrimin e këtij institucioni dhe me mbetjen e besimtarëve musliman të pa përfaqësuar sepse Xhabir Hamiti mund të bëhet vetëm myfti i vëllezërve të tij pabesimtar të cilët njëzetë e katër orë shajnë Islamin , fyejnë muslimanët, akuzojnë , shpifin dhe dëshmojnë urrejtjen me tërë qenien e tyre ndaj çdo gjëje islame, por çuditërisht në deklarimet e tyre të cilat Lëvizja Islame Bashkohu i analizon në detaje sheh se si përkrahin pa rezervë ardhjen e kryehipokritit Xhabir Hamiti ne krye të BIK-ut dhe flasin e shkruajnë për të me admirim duke e vlerësuar në superlativ, tërë kjo sepse këtë metodë e kanë zgjedhur për ta luftuar Islamin duke e shtrembëruar atë përmes hoxhallarëve feprishur .

Me Emrin e Allahut ne jemi të vendosur që përkundër këtyre përpjekjeve të mos lejojmë që BIK-u të bije në dorën e hipokritëve të cilët kanë për qëllim rrënimin e Islamit, përhapjen e fesadit duke përçarë muslimanët , nëpërkëmbjen e të drejtave të tyre dhe hapjen e dyerve për ti persekutuar bazuar në akuza të shpifura.

Ne do të përdorim të gjithë mekanizmat e nevojshëm përfshirë kërkesën e besimtarëve musliman konform rregullave të parapara statutore për shkarkimin e hipokritit Xhabir Hamiti nga pozita e kryetarit të Kuvendit të BIK-ut, pozitë të cilën ky i pafytyrë e mban peng dhe e keqpërdorë në shërbim të përçarjes dhe armiqësisë, një fundërrinë si Xhabir Hamiti nuk meriton të shkel pragun e institucioneve fetare Islame .

Ne kemi një Islam dhe ai buron nga Kurani dhe Tradita Profetike , kjo është feja jonë dhe do të jetë me Emrin e Allahut deri në ditën e fundit të kësaj bote, prandaj çdo akuzë drejtuar BIK-ut për radikalizëm është thjeshtë mjet perfid për të arritur qëllimet e atyre që nuk ia duan të mirën muslimanëve të Kosovës dhe të ardhmes së vendit, ndërsa BIK-u dhe në veçanti Myftiu Tërrnava i kanë shërbyer me besnikëri islamit dhe muslimanëve .

Myftiu Tërrnava është ai që me sukses ka drejtuar BIK-un për dy mandate duke i bërë ballë çdo intrige të thurur nga Xhabiroviqët, ishte myftiu Tërrnava ai që nuk u lëkund përballë sulmeve të matrapazëve dhe islamofobëve, ruajti unitetin e besimtarëve musliman dhe tolerancën ndërfetare me mençuri përkundër sprovave dhe provokimeve , për ç’gjë duhet ti jenë mirënjohës të gjithë qytetarët e Kosovës, përkrahja e të cilëve jemi të bindur që nuk i mungon që myftiu Tërrnava të vazhdoj të jetë në krye të Bashkësisë Islame të Kosovës në të mirë të të gjithëve.

Hamiti për përkrahësit e Tërnavës: Mos bëni dallavere

Kryetari i Kuvendit të Bashkësisë Islame të Kosovës(BIK), Xhabir Hamiti, përmes në letre publike ju ka bërë me dije përkrahësve të kryetarit aktual të BIK-ut, Naim Tërnava se është në dijeni për “dallaveret” që po bëjnë ata për të ndikuar në ndryshimin e Kushtetutës së BIK-ut e cila do t’ia mundësonte Tërnavës rikandidimin për kryetar.

Ai në reagimin e tij ka përmendur disa emra të cilët po mundohen të ndikojnë tek anëtarët e Kuvendit të BIK-ut që në mbledhjen e radhës së këtij Kuvendi më të martën (20 gusht) të fusin në agjendë ndryshimin e Kushtetutës së BIK-ut.

Hamiti ka thënë se ndjenë për obligim që si kryetar i Kuvendit të BIK-ut, publikisht të njoftojë për zhvillimet e fundit të cilave sipas tij po ju prinë Basri Zekolli, Fadil Hasani dhe një pjese e Kryesisë së BIK-ut.

“Natën e Bajramit, Basri Zekolli, Kryeimam në Vushtrri, me përgatitje të lartë jo fetare islame-orientalistikë, ndryshe i njohur si hajmaligji me receta, nuk i ka lënë të qetë anëtarët e Kuvendit të BIK-ut në teren, as natën e Bajramit, duke ju kërkuar nënshkrime , për të mbajtur kinse mbledhje të jashtëzakonshme të Kuvendit të BIK-ut, sepse sipas tyre kryetari i Kuvendit nuk po donë më mbajt mbledhje të rregullt”, ka thënë Hamiti.

Duke cituat Zekollin dhe Hasanin, Hamiti ka thënë se në formë kërcënimi janë munduar t’i bindin anëtarët e Kuvendit duke iu thënë se “a po doni me hy në listë të nënshkrimeve apo mbeteni jashtë, e pastaj nuk marrim përgjegjësi për pasojat që ju vinë nga lartë-kryesia”.

Hamiti në reagimin e tij ka thënë se disa herë është munduar të vëjë kontakt përmes telefonit me Zekollin dhe Hasanin për të kuptuar se cila është iniciativa e tyre mirëpo sipas tij asnjëri nuk i janë përgjigjur.

“E meqë iniciativa e tyre nuk piu ujë dhe tani mbledhja do të mbahet e rregullt, sipas rendit të ditës të caktuar nga kryesia e Kuvendit dhe rendit të ditës të shpërndarë tashmë tek anëtarët e Kuvendit, Basri Zekolli ka filluar shantazhimin tjetër të anëtarëve duke ju thënë se ka miratimin edhe nga lartë (kryesia) për të ndryshuar kushtetutën e BIK-ut, vetëm dy muaj para zgjedhjeve”, ka thënë Hamiti.

Me iniciativë të Zekollit të premten, sipas Hamitit janë ftuar një pjesë e anëtarëve të Kuvendit të BIK-ut, kinse për “konsultime” para mbledhjes së Kuvendit e cila është paraparë që të mbahet të martën në Kryesinë e BIK-ut.

“Në këtë takim “konsultativ”, sipas informacioneve të sakta, të dala nga ky ambient, fokus kryesor ka qenë bindja e të pranishmëve për të ndryshuar agjendën e Kuvendit, gjegjësisht futjen në rend dite ndryshimin e kushtetutës së BIK-së, për t\'i mundësuar kryetarit aktual të BIK-ut edhe njëherë rikandidimin e tij, sepse sipas tyre nuk ka më të mirë, duke lakuar edhe emra krahasues si “as Sabri Bajgora e as Ekrem Siminica“ kinse nuk janë më të mirë se kryetari aktual e të cilët po ashtu po shfaqin ambicie për këtë post”, ka thënë Hamiti në reagimin e tij.

Në fund Hamiti ka thënë se këto iniciativa të tilla tinëzare me motive të ulëta karrieriste, nuk do t\'i kontribuojnë rendit, qetësisë, rehatisë dhe rregullit të brendshëm të BIK-ut dhe të opinionit të gjerë.

Ndryshe, deri më tani Hamiti për këtë çështje ka përkrahjen e Sindikatës së BIK-ut. Idriz Bilalli, kryesues i Sindikatës së BIK-ut kishte thënë për “Zëri” se Tërnava ka bërë dy mandate në krye të BIK-ut, e që bëjnë 10 vite, prandaj në bazë të Kushtetutës së BIK-ut, Tërnava nuk ka të drejtë të kandidojë për myfti të Kosovës për mandatin në vijim.

Data: 18 Gusht 2013 15:31
Autori: GazetaExpress

Të tjera