Kthehu lart

Dy kunata e bëjnë vjehrrën për spital

GazetaExpress E mërkurë, 04 Maj 2011 15:00

Dy kunata e kanë bërë vjehrrën e tyre për spital, duke e goditur me mjete të forta, kurse njëra nga rejat, që ishte më agresive, është ndalë në Qendrën e Paraburgimit në Gjilan.

Policia ishte njoftuar nëpërmjet telefonit dhe menjëherë ka dalë në vendin e ngjarjes dhe nga hetimet e para ka mësuar se pas një mosmarrëveshje, R.D., e lindur më 1976, në bashkëveprim me M.D., e lindur më 1994, e kanë rrahur keq viktimën R.B., e lindur më 1956, që ishte vjehërr e tyre.

E dyshuara e parë, besohet se ka përdorur shkop druri me të cilin viktimës i ka shkaktuar lëndime trupore.

Siç ka thënë togeri Ismet Hashani, në vendin e ngjarjes ka shkuar edhe ndihma e parë, e cila ka marr viktimën dhe e ka dërguar në spitalin rajonal në Gjilan e cila edhe është ndalur për tretman mjekësor, raporton Indeksonline.

Në vendin e ngjarjes ka dalë edhe njësiti rajonal i hetimeve. Lidhur me rastin është njoftuar prokurori i Qarkut, dhe me urdhër të tij e dyshuara e parë është ndalë për 48 orë në Qendrën e mbajtjes në Gjilan.

Data: 04 Maj 2011 15:00
Autori: GazetaExpress

Të tjera