Ajo është lindur e është rritur në Gjermani, por me prejardhje është nga Mali i Zi. Bukuroshja nga Malësia e cila viteve të fundit po çmend gjermanët, si duket këtë vit përfundimisht ka bërë një hap gjigant drejt suksesit të saj.

Martina në vitin 2010 qe shpallur ”Miss Tuning” dhe realizoi kalendarin e parë personal me foto në bikini. E këtë vit ajo do të udhëtojë drejt Kinës për të përfaqësuar Gjermaninë në spektaklin e bukurisë ”Miss Ëorld 2012”.

Kështu, ajo do të bëhet shqiptarja e parë e cila përfaqëson një vend të huaj në spektaklin më të madh të bukurisë, ku tashmë është konfirmuar pjesëmarrja e vajzave nga 100 vende të botës.

Martina edhe më herët ka qenë e pranishme në gazetën sonë me lajme nga më të ndryshmet, ndërsa kësaj radhe kemi siguruar një intervistë me të.

Express: Së fundi është shkruar mjaft për ju. Ka ndonjë arsye të veçantë për këtë?

Martina Ivezaj: Ndoshta ngaqë do ta përfaqësoj Gjermaninë në Miss Wrld. Në këtë garë bukurie që mbahet më 18 gusht në Kinë, (Dongsheng Center Stadium, Ordos), unë jam përfaqësuese e Gjermanisë.

Express: Çfarë ndjenje është si një shqiptare ta përfaqësosh Gjermaninë?

Martina Ivezaj: Ndihem shumë e mirë. Gjithmonë ka qenë ëndrra ime ta përfaqësoj një vend në një garë bukurie kaq të madhe. Më vjen mirë që arrita si shqiptare ta përfaqësoj një shtet tjetër. Por, në këtë garë gjithashtu e prezantoj edhe shqiptarët në përgjithësi.

Express: A ndihesh e gatshme për këtë konkurrencë të madhe dhe a shpreson që do fitosh ndonjë çmim ?

Martina Ivezaj: Po, jam e gatshme dhe dua të jap maksimumin në garën e Miss World . Pastaj duhet të presim 18 gushtin, kur të zhvillohet gara dhe do të shohim.

Express: Keni pasur mjaft sukses, kujt ia dedikoni suksesin tuaj?

Martina Ivezaj: Suksesin tim ia dedikoj familjes sime, e cila më ka mbështetur ne çdo gjë. Gjithmonë më kanë përkrahur dhe janë munduar të më ndihmojnë në atë që unë kam zgjedhur

Express: Çka planifikoni për të ardhmen?

Martina Ivezaj: Aktualisht po punoj fort që t’i arrij synimet që ia kam vënë vetës. Angazhimet e mia i menaxhon agjencia me të cilën kam kontratë si modele. Pastaj dikur planifikoj të krijoj një biznes timin.